Хүсэл дууссан газар хүн өөрөө дуусдаг...гэж...айхтар онож хэлсэн байгаа биз. Хүн ямар ч хүсэл мөрөөдөлгүй бол амьдрал ямар ч утгагүй болох байх. Аливаа зүйл өрсөлдөөн тэмцэл дунд утга учиртай байдаг гэж би боддын. Миний бодол хүн болгоныхтой адил байх албагүй, хүн болгон адилгүй хүлэг болгон жороогүй гэдэг дээ тиймээс таньд таалагдахгүй зарим нэгэн зүйл байвал уучилж өршөөгөөрэй. Хүсэл мөрөөдлөөр жигүүрлэн амьдрал өөд тэмүүлэхдээ бид жаргалтай. Магадгүй хаа нэгтээ хэн нэгэн намайг хүлээн зогсож байгаа ч юм билүү. Эсвэл хэн нэгэн намайг гэнэт баярлуулах ч юм билүү. Багадаа би мөрөөдөх дуртай хүүхэд байж билээ ХОНГИЛДООН гэдэг кино үзсэнээсээ хойш жүжигчин болхыг, замын цагдаа дохиураа ийш тийш эргэлдүүлэн шүгэл үлээн зогсохыг хараад цагдаа, энгэрээ медалиар чимэн нулимс дуслуулан зогсох тамирчинг хараад тамирчин болхыг гээд зөндөө л мөрөөдөлтэй хүүхэд байж дээ. Одоо бодход тэднээсээ тэс өөр хүн болж өссөн байгаам шүү. Хүн болгон л мөрөөдөлтэй байдаг харин тэрхүү мөрөөдөлдөө хүрэхийн тулд юу ч хийхээс буцахгүй байх ёстой.  Заримдаа хүндхэн үед гэгээлэг зүйлийг мөрөөдөн түр ч атугай бэрхшээлээс ангижирах шиг л болдог. Тэхээр мөрөөдөл гэж хүнийг амьдрах итгэлтэй, зорилготой болгодог томоохон хүч юм болуу даа.

Заримдаа гудамжаар хөтлөлцөн алхах хосуудад би атаархдаг. Тэдэн шиг алхахыг би мөрөөддөг. Ажил мэргэжилдээ амжилт гарган шагнуулан зогсох найз нөхдөөрөө би бахархдаг. Тэдэн шигээ болхыг би хүсдэг, амьдралд алдаж эндсэн найз нартаа би урмын үг хайрладаг тэдний зүрхэнд мөрөөдлийн оч гийгүүлхийг би хичээдэг. Алдаа л биз ахиад сэргэнээ, эндээ л биз эргээд чи босноо анд минь. Хүсэл мөрөөдөл дууссан газар хүн өөрөө дуусдаг юм шүү, залуусаа бие биедээ урмын үг харамгүй хайрлаж мөрөөдөл хүсэл нь унтарсан нэгэндээ гэрэл цацруулах инээмсэглэлийг урмын үгтэй нь хайрлацгаая.

Хэзээ нэгэн өдөр
Хэн нэгний гараас атган
Амьдралыг хамтдаа туулах үедээ
Амьдралын бал бурам шиг амтыг
Жижгээр биш томоор
Жинхэнэ утгаар нь мэдрээрэй залуусаа

Амьдрал бол жүжгийн тайз, тэрхүү жүжигт таньд ямар ч дүр ноогдож болно. Тэрхүү өөрт ноогдсон дүрээ яаж бүтээх нь гагцхүү таниас л шалтгаална.                                                           

                                                                                   Та бүхнийг хүндэтгэн ёсолсон: Нүүдэлчин